ആഭ്യന്തര മന്ത്രിമാരുടെ ‘ചിന്തൻ ശിവർ’: ഹിന്ദുത്വ-ഫാസിസ്റ്റ് അജണ്ട മുന്നോട്ടു കുതിയ്ക്കുന്നു.
ഒക്ടോബർ 27, 28 തീയതികളിൽ ഫരീദാബാദിൽ കേന്ദ്ര ആഭ്യന്തര മന്ത്രി അമിത് ഷായുടെ അധ്യക്ഷതയിൽ നടന്ന സംസ്ഥാന ആഭ്യന്തര മന്ത്രിമാരുടെ ദ്വിദിന ‘ചിന്തൻ ശിവിർ’ കഴിഞ്ഞ ദിവസം വീഡിയോ കോൺഫറൻസിംഗിലൂടെ മോദി അഭിസംബോധന ചെയ്തു.
ഇത് കാവി-ഫാസിസ്റ്റ് അജണ്ട കൂടുതൽ കരുത്തോടെ അടിച്ചേൽപ്പിക്കുന്ന നീക്കങ്ങളിലൊന്നായിരുന്നു. ദേശീയ പ്രാധാന്യവുമായി ബന്ധപ്പെട്ട നയങ്ങളുടെ മികച്ച ആസൂത്രണത്തിനും ഏകോപനത്തിനും നടപ്പിലാക്കുന്നതിനുമുള്ള ഒരു വേദി കെട്ടിപ്പടുക്കുകയും “മോദിയുടെ ടീം ഇന്ത്യ” എന്ന് വിളിക്കപ്പെടുന്നതിനെ സാക്ഷാത്കരിക്കുകയും ചെയ്യുക എന്നതായിരുന്നു ചിന്തൻ ശിവറിന്റെ പ്രഖ്യാപിത ലക്ഷ്യം എങ്കിലും, ഭരണഘടനയുടെ ഏഴാം ഷെഡ്യൂളിലെ സ്റ്റേറ്റ് ലിസ്റ്റിലെ വ്യവസ്ഥകൾ ലംഘിച്ച് ഫെഡറൽ പോലീസ് സംവിധാനത്തിനെതിരെ സംസ്ഥാനങ്ങൾക്ക് മേൽ പാൻ-ഇന്ത്യൻ പോലീസിംഗ് സാക്ഷാത്കരിക്കാനുള്ള നീക്കമായി അത് മാറി.
ചിന്തൻ ശിവിറിലെ തീരുമാനങ്ങളിൽ ഫാസിസ്റ്റ്, ഏകീകൃത ഹിന്ദുരാഷ്ട്ര ലക്ഷ്യം പൂർത്തീകരിക്കുന്നതിനുള്ള ആക്രമണാത്മക ചുവടുകൾ ഉൾപ്പെടുന്നുണ്ട്. രണ്ടാം മോദി സർക്കാർ ഇതിനകം കൊണ്ടുവന്ന എൻഐഎ, യുഎപിഎ നിയമങ്ങളിലെ ക്രൂരമായ ഭേദഗതികൾക്ക് മുകളിൽ കൂടുതൽ കാർക്കശ്യങ്ങൾ ഇത് കൂട്ടിച്ചേർക്കുന്നു.
പഞ്ചാബിലെയും കേരളത്തിലെയും മുഖ്യമന്ത്രിമാർ ഒഴികെ, ബംഗാൾ, ബിഹാർ, ഒഡീഷ, രാജസ്ഥാൻ, തമിഴ്‌നാട് തുടങ്ങിയ സംസ്ഥാനങ്ങളിൽ ആഭ്യന്തര വകുപ്പുകൾ കൈവശം വച്ചിരിക്കുന്ന പ്രതിപക്ഷ കക്ഷികൾ ഭരിക്കുന്ന സംസ്ഥാനങ്ങളിലെ എല്ലാ മുഖ്യമന്ത്രിമാരും പരിപാടി ഒഴിവാക്കിയിരുന്നു.
ബിജെപിയേക്കാൾ കൂടുതൽ ഹിന്ദുത്വ അജണ്ടയിൽ തങ്ങൾ പ്രതിബദ്ധതയുള്ളവരാണെന്ന് തെളിയിക്കാനുള്ള എഎപിയുടെ തുടർച്ചയായ ശ്രമങ്ങൾ കണക്കിലെടുത്താൽ പഞ്ചാബ് മുഖ്യമന്ത്രി ഭഗവന്ത് മാന്റെ സാന്നിധ്യം അതിശയിപ്പിക്കുന്നതല്ല.
അതേ മാതൃകയിൽ, പിണറായി വിജയൻ മുഖ്യമന്ത്രിയായിരുന്ന ആദ്യ കാലത്ത് തന്നെ കേരളത്തിൽ 145 യുഎപിഎ കേസുകളാണ് രജിസ്റ്റർ ചെയ്തത്. കേരളത്തിൽ ഇപ്പോഴും വിട്ടുവീഴ്ചയില്ലാതെ തുടരുന്ന ഈ സാഹചര്യത്തിന് അനുസൃതമായാണ് യുഎപിഎയെ വാഴ്ത്തിയ സംസ്ഥാന ആഭ്യന്തര മന്ത്രിമാരുടെ യോഗത്തിൽ ആഭ്യന്തര വകുപ്പ് വഹിക്കുന്ന കേരളാ മുഖ്യമന്ത്രി പങ്കെടുത്തത്.
ചിന്തൻ ശിവിറിന്റെ കേന്ദ്ര പ്രമേയത്തിലേക്ക് വരാം. കേന്ദ്ര ആഭ്യന്തര മന്ത്രി ഷാ, 2024-ഓടെ ഓരോ സംസ്ഥാനത്തും “ഒരു ഡാറ്റ, ഒരു എൻട്രി” എന്ന തത്വത്തെ അടിസ്ഥാനമാക്കി ഒരു എൻഐഎ ഓഫീസ് സ്ഥാപിക്കാൻ ആഹ്വാനം ചെയ്തു . ക്രമസമാധാന രംഗത്ത് ഒരു പാൻ – ഇന്ത്യൻ നയത്തോടൊപ്പമാണ് ഇത് നിർദ്ദേശിക്കപ്പെട്ടത്.
മോദി ‘ഒരു രാഷ്ട്രം, ഒരു പോലീസ് യൂണിഫോം’ നിർദ്ദേശിക്കുകയും “ഭീകരതയ്‌ക്കെതിരെ പോരാടുന്നതിന്” പ്രചോദനം നൽകുന്നതിന് യുഎപിഎയെ അഭിനന്ദിക്കുകയും ചെയ്തു. യുഎപിഎ നിയമത്തിന്റെ സാധുത ചോദ്യം ചെയ്തുള്ള ഹർജി സുപ്രീം കോടതി പരിശോധിക്കുന്ന സമയത്താണ് മോദിയുടെ യുഎപിഎയെക്കുറിച്ചുള്ള ഈ പ്രസ്താവന വരുന്നത്. കാരണം, 2018-20 കാലയളവിൽ മാത്രം 4690 പേരെ യുഎപിഎ പ്രകാരം അറസ്റ്റ് ചെയ്തപ്പോൾ ശിക്ഷിക്കപ്പെട്ടത് 3 ശതമാനം മാത്രമാണ്. രാഷ്ട്രീയ എതിരാളികളെയും വിമതരെയും വിയോജിക്കുന്നവരെയും ജയിലിൽ അടയ്ക്കുന്നതിന് യാതൊരു ഉത്തരവാദിത്തവുമില്ലാതെ ഭരണകൂടത്തിന് അനിയന്ത്രിതമായ അധികാരം നൽകുന്ന യുഎപിഎയുടെ ക്രൂരമായ സത്തയുടെ സാക്ഷ്യമാണിത്. “തോക്കുകൾ”, “പേനകൾ” എന്നിവയിലൂടെ സർക്കാരിനോടുള്ള എതിർപ്പിനെ തുല്യമായി വ്യാഖ്യാനിച്ച വീഡിയോ കോൺഫറൻസിംഗിലൂടെയുള്ള മോദിയുടെ പ്രസംഗം സ്വതന്ത്ര അഭിപ്രായവും സ്വതന്ത്രമായ അഭിപ്രായ പ്രകടനവും ‘രാജ്യദ്രോഹവും’ ‘ദേശവിരുദ്ധവും’ ആയി മുദ്രകുത്താനുള്ള ഫാസിസ്റ്റ് ഉദ്ദേശ്യങ്ങളെ വെളിപ്പെടുത്തുന്നു.
എൻഐഎ എങ്ങനെ ഇന്ത്യൻ ഭരണഘടനയുടെ ലംഘനമാണെന്ന് നിയമ, ഭരണഘടനാ വിദഗ്ധർ, മനുഷ്യാവകാശ പ്രവർത്തകർ, സന്മനസ്കരും ഉത്കണ്ഠയുള്ളവരുമായ നിരവധി പൗരന്മാർ തുടങ്ങിയവരൊക്കെ ഇതിനകം ചൂണ്ടിക്കാണിച്ചിട്ടുണ്ട്. ഇത് സംസ്ഥാന ഗവൺമെന്റുകളുടെ ഫെഡറൽ അവകാശങ്ങൾ കവർന്നെടുക്കുന്നു. ഇന്ത്യൻ എവിഡൻസ് ആക്ടിന്റെയും ക്രിമിനൽ പ്രൊസീജ്യർ കോഡിന്റെയും നടപടിക്രമങ്ങൾക്ക് വിരുദ്ധമായി വർത്തിയ്ക്കുന്നു. ഇത് നീതിന്യായ വ്യവസ്ഥയെ വെറും കാഴ്ചക്കാരനാക്കുകയും ജില്ലാ സെഷൻസ് കോടതിയെ അവഗണിച്ച് പ്രത്യേക കോടതികൾ സ്ഥാപിക്കുകയും ചെയ്യാൻ ലക്ഷ്യമിടുന്നു.
കൃത്യമായി പറഞ്ഞാൽ, ചിന്തൻ ശിവറും അതിന്റെ ചർച്ചകളും പാർലമെന്ററി ജനാധിപത്യത്തിന്റെ എല്ലാ സ്ഥാപനങ്ങൾക്കും എതിരാണ്. ആർട്ടിക്കിൾ 370 റദ്ദാക്കുകയും കശ്മീരിനെ കഷ്ണങ്ങളാക്കി വിഭജിക്കുകയും ഇന്ത്യൻ യൂണിയനിൽ നിർബന്ധിതമായി സംയോജിപ്പിക്കുകയും ബാബറി മസ്ജിദ് സ്ഥിതി ചെയ്തിരുന്ന സ്ഥലത്ത് തന്നെ രാമക്ഷേത്രം നിർമ്മിക്കുകയും ചെയ്ത വിശാല ഫാസിസ്റ്റ് അജണ്ടയുടെ ഭാഗമാണിത്. CAA വഴിയും മുസ്ലീങ്ങളെ രണ്ടാം തരം പൗരന്മാരാക്കാനുള്ള മറ്റ് നീക്കങ്ങളിലൂടെയും ശ്രമിച്ചു കൊണ്ടിരിക്കുന്നു. NEP-20 വഴി ഇന്ത്യൻ വിദ്യാഭ്യാസത്തിന്റെ കാവിവൽക്കരണവും കോർപ്പറേറ്റ് വൽക്കരണവും ലക്ഷ്യമിടുന്നു. ബഹുസാംസ്‌കാരിക, ബഹുഭാഷാ, ബഹു-വംശീയ, ബഹു-മത-ഇന്ത്യയുടെ മേൽ ഒരു ഭൂരിപക്ഷ ഹിന്ദുരാഷ്ട്രത്തിന്റെ അതിപ്രസരത്തിലേക്കുള്ള ബഹു തല നീക്കങ്ങളിൽ നിന്ന് ഇത് വേർതിരിക്കാനാവാത്തതാണ്.
മോദി ഭരണത്തിന്റെ ഭാഗത്തുനിന്നുള്ള ഏറ്റവും പുതിയ ഫാസിസ്റ്റ് ആക്രമണത്തിനെതിരെ എല്ലാ ജനാധിപത്യ വിഭാഗങ്ങളോടും മുന്നോട്ട് വരാനും ഈ ഹീനമായ നീക്കത്തിൽ നിന്ന് എത്രയും വേഗം പിന്മാറാൻ അവരെ നിർബന്ധിക്കാനും ഞങ്ങൾ ആഹ്വാനം ചെയ്യുന്നു.
പി ജെ ജെയിംസ്
ജനറൽ സെക്രട്ടറി
സിപിഐ (എംഎൽ) റെഡ് സ്റ്റാർ
2022 ഒക്ടോബർ 31