സഖാവ് പി.കെ. വിജയന് ആദരാഞ്ജലികൾ ..
അടിസ്ഥാന ജനവിഭാഗങ്ങളുടെ അവകാശ പോരാട്ടങ്ങളുടെ ഭാഗമായി വിപ്ലവപ്രസ്ഥാനത്തി ലേക്കു കടന്നു വന്ന് അവരുടെ ആവശ്യങ്ങൾ നേടിയെടുക്കാനുള്ള ജനകീയ സമരങ്ങളിൽ സജീവ സാന്നിധ്യമായി നിലകൊണ്ട സഖാവായിരുന്നു പി.കെ. വിജയൻ . സി.പി.ഐ.(എം.എൽ) പ്രസ്ഥാനവുമായി വളരെ ചെറുപ്പംമുതൽ ബന്ധപ്പെട്ട സഖാവ് പത്തനംതിട്ട ജില്ലയിലെ പിന്നോക്ക മേഖലകളിൽ കർഷക – കർഷകതൊഴിലാളി മേഖലകളിലെ പ്രവർത്തനങ്ങളിലൂടെയാണു പാർട്ടി സംസ്ഥാന നേതൃത്വനിരയിലേക്ക് എത്തുന്നത്. 2008 വരെ പാർട്ടി സംസ്ഥാന കമ്മിറ്റി അംഗമായിരുന്നു.
ചില രാഷ്ട്രീയ അഭിപ്രായ വ്യത്യാസങ്ങളാൽ ML പ്രസ്ഥാനത്തിൽ നിന്നും മാറി നിന്നെങ്കിലും സാമൂഹ്യ മാറ്റത്തിനു വേണ്ടിയുള്ള പ്രവർത്തനങ്ങൾക്കായുള്ള പ്രവർത്തനങ്ങളിൽ സഖാവുണ്ടായിരുന്നു. ആരോഗ്യ പ്രശ്നങ്ങളുടെ അലട്ടലുകൾക്കിടയിലും വായനയും ചർച്ചകളുമായി ചിന്താമണ്ഡലത്തെ നിരന്തരമായി പുതുക്കാൻ അദ്ദേഹം ശ്രമിച്ചിരുന്നു.
കഴിഞ്ഞ കുറച്ച് ദിവസങ്ങളായി കോട്ടയം മെഡിക്കൽ കോളെജിൽ ചികിത്സയിലായിരുന്നസഖാവ് ഇന്നലെ വൈകീട്ടാണ് നിര്യാതനായത്. സഖാവിന്റെ വേർപാടിൽ സി.പി ഐ (എം.എൽ) റെഡ് സ്റ്റാർ സംസ്ഥാന കമ്മിറ്റിക്ക് വേണ്ടി ആദരാഞ്ജലികൾ അർപ്പിക്കുന്നു.
സെക്രട്ടറി, .
CPIML RED STAR
കേരള സംസ്ഥാന കമ്മിറ്റി .
24 – 11 – 2022.